Kvölddagskrá

Á daginn skemmta skátar sér í fjölbreyttri dagskrá og hafa gaman af. En þegar kvöldið skellur á með þægilegum þunga hætta skátar ekki að skemmta sér. Nei, þvert á móti. Kvöldin nota skátarnir til að syngja og skemmta sér við varðeld, þeir stikla jafnvel á steinum í stórleikjum, bjóða nágrönnum sínum í heilmikla heimsókn til nágrannaskátafélags, feta veginn á félagakvöldi eða dansa á diskóteki. Kvölddagskráin er fjölbreytt og skemmtileg að skátasið.

 Fimmtudagur

Eftir að skátarnir hafa tjaldað og komið sér fyrir á mótssvæðinu koma allir gestir mótssins saman í Varðeldarlautinni þar sem mótsetning fer fram og tekin nokkur skátalög. Að lokinni setningu verður stórleikur þar sem þátttekendur glíma við skemmtileg verkefni á svæðinu.

 Föstudagur

Föstudagskvöldið er tileiknað hveru félagi fyrir sig. Hvert félag ákveður hvað það vill gera sjálft. Bjóða nágrönnum í heimsókn og fara í leiki, spila spil, fara í kvöldgöngu. Óendalegir möguleikar og lítil takmörk önnur en að við viljum helst að þátttekendur séu inni á mótssvæðinu.

 Laugardagur

Þá verður hátíðarkvöldvaka í varðeldarlautinni þar sem verður sannkallað skátastuð þar sem sungin verða skemmtilegustu skátalögin og frábær skemmtiatriði sýnd og á henni lokinni dansleikur frameftir kvöldinu.