Landsmót skáta 2021
Tilkynning
Landsmót skáta með heimsmarkmið Sameinuðu þjóðanna að leiðarljósi átti upphaflega að vera sumarið 2020, að Hömrum, Akureyri.
Vegna Covid-19 heimsfaraldursins var ákveðið að fresta mótinu um eitt ár og flytja það á Úlfljótsvatn.
Þeir skátar sem skráðir voru á mótið 2020 voru sjálfkrafa færðir í nýju skráningu fyrir mótið 2021. Þeir sem óska eftir afskráningu og endurgreiðslu þurfa að hafa samband við skrifstofuna skatar@skatar.is.
Byggjum betri heim
Landsmót skáta verður haldið á Úlfljótsvatni dagana 14.- 20. júlí 2021.
Fálkaskátar og eldri koma saman og byggja betri heim með heimsmarkmið Sameinuðuþjóðanna að leiðarljósi.
Á landsmóti fáum við tækifæri til að prófa nýja hluti, finna leiðir til að gera heiminn að betri stað, skemmta okkur konunglega og kynnast fólki frá öðrum stöðum á landinu og jafnvel frá öðrum löndum líka.
Komdu og vertu með í þessari ógleymanlegu og æsispennandi dagskrá á Úlfljótsvatni!
Mótssvæðið
Mótið fer fram á Úlfljótsvatni en þar er gríðarstórt tjaldsvæði sem mun taka vel á móti öllum þátttakendum og sjálfboðaliðum mótsins, ásamt fjölskyldum þeirra.
Skátar hafa byggt útilífsmiðstöðina upp með það í huga að unnt sé að halda þar fjölmenn skátamót fyrir þúsundir þátttakenda með nauðsynlegum tjaldflötum, hreinlætisaðstöðu og margvíslegri afþreyingu.