Vertu með!

​​Gríðarlega mikil vinna liggur að baki undirbúningi, framkvæmd og frágangs á jafnstórum og viðamiklum viðburði svona skátamót eru.  Því er mikilvægt að allir sem vettlingi geti valdið hjálpist að og aðstoði við undirbúning og framkvæmd mótsins – skátar eru ekki þekktir fyrir að sitja á hliðarlínunni og horfa á.

​Væntingar eru bundnar við að skátafélögin virki með sér foreldra skátanna og eldri félaga, bæði til að aðstoða félögin og einnig við mótshaldið sjálft.

Fingur, hönd eða allur líkaminn?

Þá má benda eldri skátum og foreldrum er hyggjast dvelja í fjölskyldubúðum á að oft vantar aðstoð í styttri tíma meðan á mótinu stendur og margir hafa áhuga á að leggja lið nokkrar klukkustundir á dag.  Foreldrar, vinir og áhugafólk um skemmtilega stórviðburði er því einnig hvatt til að sækja um – þarna upplifum við viðburðastjórnun eins og hún gerist best.

Kíktu á starfatorgið!

Nú erum við búin að opna starfatorg, en þar getið þið skráð ykkur og látið okkur vita hvaða verkefnið þið hafið helst áhuga á að takast á við á mótinu.

Í hverju ert þú frammúrskarandi?

Hægt er að ganga til liðs við eitthvað af þeim teymum sem munu starfa á vegum mótsins:

  • Valdagskrá
  • Opin dagskrá
  • Fjölskyldubúðir
  • Afmælishátíð
  • Kvölddagskrá
  • Upplýsinga- og kynningarmál
  • Matarmál
  • Tæknimál
  • Gæsla
  • Sjúkragæsla
​Ef þú hefur áhuga á að ganga til liðs við mótsstjórn og nefndir hennar hvetjum við þig til að hafa samband við mótsstjórn með því að senda netpóst: sumar@ssr.is