Fjölskyldubúðir

20.-26. júlí

Á Landsmóti skáta sem haldið verður að Hömrum 20.-26. júlí 2026 verða fjölskyldubúðir starfræktar eins og tíðkast á Landsmóti. Fjölskyldubúðirnar gefa fjölskyldum skátanna, gildisskátum og öðrum gestum kost á að taka þátt í mótinu og kynnast skátastarfinu með yngri börnum sínum. Þema mótsins er “Á norðurslóð” og munu fjölskyldubúðirnar því bera nafnið Norðurpóllinn.

Aðstaða fjölskyldubúða

Norðurpóllinn verður staðsettur á flötum 3-9 þar sem gott aðgengi er að stórum flötum og salernum. Í hjarta fjölskyldubúða verður stórt samkomutjald þar sem má finna upplýsingar um tækifæri í dagskrá og alltaf heitt á könnunni. Á þessu svæði tjalda aðeins gestir sem eru á vegum fjölskyldubúða.

Þeir hópar og skátafélög sem óska eftir að dvelja saman og gera sína eigin tjaldbúð þurfa að láta vita með góðum fyrirvara um fjölda eininga. Úthlutun svæða verður í höndum starfsfólks tjaldsvæðisins að Hömrum, sem mun merkja svæði fyrir þau félög sem hafa samband.

Þessi svæðaskipting er þó eingöngu til viðmiðunar og þæginda fyrir tjaldgestina en ekki hægt að líta á skiptinguna þannig að viðkomandi blettur sé frátekinn fyrir ákveðið félag/hóp.

Dagskrá Norðurpólsins

Í samkomutjaldi Norðurpólsins verður dagskrá alla mótsdagana í samræmi við dagskrá mótsins. Þangað geta foreldrar komið með börnum sínum í skapandi smiðjur og á aðra viðburði sem boðið verður upp á. Hefð er fyrir því að fara í gönguferðir um nágrennið, halda kvöldvöku og taka þátt í hluta af dagskrá mótsins. Vinsamlega athugið að ekki verður boðið upp á barnapössun á Norðurpólnum, ætlast er til að börn séu á ábyrgð foreldra eða annarra ábyrgra aðila. Á Norðurpólnum verður ávallt heitt á könnunni ásamt heitu vatni fyrir te og kakó. Hver og einn þarf að koma með sinn eigin bolla undir drykkina.

Að lokum

Dagskrá Norðurpólsins er í mótun og verður öllum tillögum og óskum tekið fagnandi.

Hafa má samband við Viljurnar í gegnum netfangið viljurnar@skatarnir.is eða á Facebook hópnum Fjölskyldubúðir á Landsmóti

Á síðunni www.skatamot.is má svo finna allar helstu upplýsingar um mótið.

Vakin er athygli á því að meðferð nikótíns, áfengis og annarra vímuefna er með öllu óheimil í fjölskyldubúðum eins og á Landsmóti skáta.

Mótshaldarar munu takmarka umferð um svæðið og óska eftir því að bílar verði geymdir utan þess. Öðrum en gestum Landsmóts verður ekki hleypt inn á svæðið nema á heimsóknardaginn sem verður laugardaginn 25. júlí.

Verðskrá

Boðið verður upp á afslátt í fjölskyldubúðir með forpöntunum og greiðslum. Aðeins er um takmarkað magn á forpöntuðum plássum að ræða og gildir fyrstur kemur fyrstur fær. Með forpöntunum er ekki verið að taka frá ákveðin stæði heldur bara að veita afslátt á dvalar- og dagskrárgjaldinu. Eftir sem áður gildir fyrstur kemur fyrstur fær varðandi pláss á staðnum. Það á einnig um varðandi aðgang að rafmagni fyrir þá sem það þurfa og því er ekki hægt að forpanta aðgang að rafmagni.

Mótið stendur í 6 daga frá mánudegi til sunnudags. Ef pantað er í forsölu er veittur afsláttur. Verð fyrir 3-99 ára.	Í hliðinu.	Vikupassi í forpöntun Fyrir 1. maí 2026.
Fjölskyldubúðir, einkenni og dagskrá. Eitt verð fyrir vikuna, ekki verða seldir dagpassar.	8.500 kr á mann	7.500 kr á mann
Tjaldsvæði fyrir 18 ára og eldri	2.500 kr nóttin	9.500 kr fyrir 6 daga.
Börn 3 – 17 ára (í fylgd með fullorðnum).	800 kr nóttin	3.000 kr fyrir 6 daga.
Gistináttaskattur – einingaverð fyrir tjöld eða ferðahýsi	500 kr nóttin	3.000 kr fyrir 6 daga.
Rafmagn fyrir sólarhringinn. Vakin er athygli á því að ekki má hlaða rafmagnsbíla á tjaldsvæðinu.	1.500 kr	9.000 kr fyrir 6 daga. Aðeins selt á staðnum